SALOMATLIK VA GIGIYENA: SOG‘LOM JAMIYATNI SHAKLLANTIRISHNING ASOSIY OMILLARI

Salomatlik inson hayotining eng muhim qadriyati bo‘lib, uning saqlanishi va mustahkamlanishida gigiyenaning o‘rni beqiyosdir. Zamonaviy dunyoda urbanizatsiya, ekologik muammolar, yuqumli va surunkali kasalliklarning keng tarqalishi salomatlikni saqlash va kasalliklarning oldini olish masalalarini dolzarb muammoga aylantirmoqda. Gigiyena esa inson salomatligini himoya qilish, kasalliklarning oldini olish va sog‘lom turmush tarzini shakllantirishga qaratilgan ilmiy-amaliy tadbirlar majmuasidir. Mazkur maqolada salomatlik va gigiyena tushunchalari, ularning o‘zaro bog‘liqligi, shaxsiy va jamoat gigiyenasi tamoyillari hamda zamonaviy tibbiyotdagi ahamiyati ilmiy manbalar asosida tahlil qilinadi. Tadqiqot natijalari gigiyenik qoidalarga rioya qilish yuqumli va noinfeksion kasalliklarning oldini olishda, aholi salomatligini mustahkamlashda hamda umr davomiyligini oshirishda muhim rol o‘ynashini ko‘rsatdi. Shuningdek, zamonaviy sog‘liqni saqlash tizimida profilaktik tibbiyot va gigiyenaning ahamiyati tobora ortib borayotgani aniqlandi.