“MUQADDAS ITTIFOQ”NING TUZILISHI MOHIYATI VA VAZIFALARI

Bugungi ziddiyatli davrda dunyodagi siyosiy jarayonlar taboro qarama-qarshi xarakterni namoyon qilmoqda. O‘tgan asrning 90-yillarida o‘ziga xos “Sovuq urush”ning yakuniga yetishi bilan dunyoda AQShning barcha sohalardagi ustunligi amalda tan olindi. Shu bilan birga rivojlangan G‘arbiy Yevropa va umuman G‘arb dunyosining umumiy maqsadlar yo‘lida birlashishi natijasida barcha sohalardagi ustunlik G‘arb dunyosiga ko‘chgandek bo‘ldi. Ammo o‘tmishda bu ikki mintaqa o‘rtasida o‘ziga xos kurash va ziddiyatlar juda ko‘p sohalarda yuz bergan. Butun G‘arbiy yarim sharning Yevropa davlatlariing mustamlakasi bo‘lganligini inobatga olsak, mavzuning alohida ahamiyat kasb etishi o‘z – o‘zidan tushunarli bo‘ladi. Yevropada “Muqadas ittifoq”ning tashkil etilishi va uning maqsadlari AQSH va Lotin Amerikasi uchun ham ahamiyatli edi.