MARKAZIY OSIYO XALQLARI TARIXINI YORITISHDA ILGARI SURILAYOTGAN BA’ZI QARASHLAR (TURKIYA MISOLIDA)

Markaziy Osiyoda millatlararo munosabatlar alohida ahamiyat kasb etadi. Ushbu maqolada ko‘p millatli Markaziy Osiyo etnosiyosatining turk olimlari tomonidan o‘rganilishining muhim jihatlari haqida fikr-mulohazalar haqida so‘z boradi. Mintaqada qadim zamonlardan buyon yashovchi etnik guruhlar va elatlar o‘rtasida madaniy, iqtisodiy, siyosiy munosabatlar vujudga kela boshlagan. Markaziy Osiyoning etnik xaritasi ko‘p asrlar davomida deyarli o‘zgarmasdan kelmoqda. Ko‘plab turk olimlari tomonidan olib borilgan tadqiqotlar natijalari Markaziy Osiyoda millatlararo munosabatlarning tarixiy jihatining murakkabligini, biryoqlamalikdan voz kechish, mintaqadagi xavfsizlik muammolarni aniqlash va echim topish doirasida mintaqada millatlararo munosabatlarni o‘rganish dolzarbligini ko‘rsatmoqda.