Uzluksiz ta’lim tizimida ma’naviy huquqiy bilimlarni shakllantirishning vosita va usullari

Ijtimoiy-falsafiy adabiyotlarda jamiyat taraqqiyotining hozirgi bosqichida shaxs aqliy qobiliyatlarini ifodalovchi yangi kategoriya – “innovatsion tafakkur” tushunchasi ham keng qo‘llanilmoqda. Innovatsion tafakkur bu – jamiyat a’zolarining yangicha tafakkur asosida moddiy va ma’naviy boyliklar yaratishga qaratilgan ijodiy faoliyati bo‘lib, uning natijasida amaldagi tizimlar ish jarayonida yangiliklarni joriy qilish samaradorligining oshishi ustuvor ahamiyat kasb etadi. Innovatsion tafakkur imkoniyatlarini chuqur anglash, tushunish va tushuntirish bilan uning muhim va dolzarb jihatlarini tegishli sohalarga qo‘llay olish, innovatsiyalarni tartibga solish, to‘g‘ri boshqarish muammolarini o‘z vaqtida hal qilish muhim hisoblanadi.