O‘QUVCHI QIZLAR IJTIMOIYLASHUVIDA LIDERLIK FAZILATLARINI TARBIYALASHNING PEDAGOGIK MEXANIZMLARI

Maqolada o‘quvchi qizlarning ijtimoiylashuv jarayonida liderlik  fazilatlarini rivojlantirishning nazariy asoslari, pedagogik shart-sharoitlari va amaliy  mexanizmlari tahlil qilinadi. Liderlik tashabbuskorlik, mas’uliyat, hamkorlik, muloqot,  muammoni hal qilish, o‘zini boshqarish va jamoat hayotida ishtirok etish  kompetensiyalari majmui sifatida talqin qilinadi. Tadqiqot tizimli, qiyosiy, normativhuquqiy va kontent-tahlil usullariga tayangan. Tahlil natijasida maktab, oila va  fuqarolik jamiyati hamkorligiga asoslangan to‘rt tarkibli pedagogik mexanizm taklif  etiladi: xavfsiz va inklyuziv muhit, faoliyat orqali o‘rganish, mentorlik va refleksiv  baholash. Ushbu mexanizm qizlarning ovozini eshitish, yetakchilik rollarini navbat  bilan taqsimlash hamda tashabbus natijasini ko‘rinadigan qilish orqali ularning ijtimoiy  faolligi va o‘ziga ishonchini mustahkamlashi asoslanadi.