Ekologiya va atrof-muhit muhofazasi yo‘nalishi talabalarida ekologik kompetentlikni rivojlantirishning metodologik asoslari

Talabalarining ekologik kompetentligini integrativ yondashuv asosida rivojlantirish konsepsiyasini yanada aniq va to‘g‘ri asoslash uchun, avvalo, “konsepsiya” tushunchasiga to‘xtalib o‘tamiz. Falsafiy nuqtai nazaridan “konsepsiya” yoki konsept (lot. conceptio-tushunish, tizim) — ob’ekt, hodisa yoki jarayonni muayyan tushunish (izohlash, anglash) usuli; mavzu bo‘yicha asosiy nuqtai nazar; ularni tizimli yoritish uchun yo‘naltiruvchi g‘oya. “Konsepsiya” atamasi ilmiy, siyosiy yoki boshqa faoliyatda etakchi g‘oyani, konstruktiv tamoyilni ifodalash uchun ham ishlatiladi.