OʻZBEK TILI MATNLARIDA QADRIYAT-KONSEPTLARNING KORPUS ASOSIDA SEMANTIK XARITASINI YARATISH MASALALARI

Ushbu maqolada oʻzbek tili matnlarida qadriyat-konseptlarning korpus lingvistikasi asosida tahlil qilinishi va ularning semantik xaritasini yaratish masalalari yoritiladi. Tadqiqotda milliy va umuminsoniy qadriyatlarni ifodalovchi leksik birliklarning kontekstual qoʻllanilishi, semantik maydonlar doirasida ularning paradigmatik va sintagmatik bogʻliqligi oʻrganiladi. Korpus tahlili asosida “vatan”, “ona”, “mehr”, “adolat”, “ezgulik” kabi qadriyat-konseptlarning maʼno soyalari va assotsiativ tarmoqlari aniqlanadi. Shuningdek, semantik xaritalar yordamida konseptlarning madaniy-mental oʻziga xosliklarini avtomatik tarzda modellashtirish imkoniyatlari tahlil qilinadi. Tadqiqot natijalari oʻzbek tilshunosligida kognitiv-korpus yondashuvni yanada rivojlantirish uchun nazariy asos boʻlib xizmat qiladi.