OROL BO’YI HUDUDIDA YASHOVCHI ERTA YOSHDAGI BOLALARDA SHIFOXONADAN TASHQARI ZOTILJAMNING KECHISHIGA TEMIR TANQISLIGI ANEMIYASINING TA’SIRI (ADABIYOTLAR SHARHI)

Hozirgi kunda aholining ekologik salomatligini muhofaza qilish jahon miqyosidagi dolzarb masalalardan biri hisoblanadi. Orol dengizining qurishi, undagi suvning keskin darajada kamayib ketishi natijasida, uning atrofidagi xududlarda nisbatan yomon ekologik vaziyat yuzaga keldi.           Jahon sog’liqni saqlash tashkiloti (JSST, 2023) ma’lumotlariga ko’ra, har yili dunyo bo’yicha 5 yoshgacha bo’lgan taxminan 150 million bola pnevmoniya bilan kasallanadi, ularning 740 ming nafari hayotdan ko’z yumadi. Bu yosh toifasidagi barcha o’lim holatlarining 14 foizini tashkil etadi. Ayniqsa, rivojlanayotgan davlatlarda pnevmoniyaning insidensi (kasallanish chastotasi) yuqori bo’lib, har 1000 bolaga 40–60 holat to’g’ri keladi.