ODAM ANATOMIYASI DARSLARIDA INTERAKTIV TA’LIM VA MULTIMEDIA VOSITALARI ORQALI O‘QUVCHILARNING BILIM VA KO‘NIKMALARINI SHAKLLANTIRISH.

Mazkur maqolada odam anatomiyasi fanini o‘qitishda vizual multimedia texnologiyalaridan foydalanishning pedagogik ahamiyati va samaradorligi tahlil qilinadi. Zamonaviy ta’lim jarayonida axborot-kommunikatsiya texnologiyalaridan foydalanish o‘quv jarayonining sifatini oshirishda muhim omil hisoblanadi. Ayniqsa, inson organizmining murakkab anatomik tuzilishini tushuntirishda vizual ko‘rgazmali vositalardan foydalanish talabalar uchun katta qulaylik yaratadi. Tadqiqot davomida anatomiyani o‘qitishda 3D modellar, animatsiyalar, videodarslar va interaktiv taqdimotlardan foydalanishning talabalarning bilim darajasi hamda o‘quv motivatsiyasiga ta’siri o‘rganildi. Olingan natijalar multimediya texnologiyalaridan foydalanish talabalar bilimini mustahkamlash, murakkab anatomik jarayonlarni tushunishni osonlashtirish va ta’lim jarayonini interaktiv tashkil etishga yordam berishini ko‘rsatdi.