OROL BO‘YI HUDUDIDA YASHOVCHI GIPERAKTIVLIK VA DIQQAT YETISHMOVCHILIGI SINDROMI RIVOJLANGAN BOG‘CHA YOSHIDAGI BOLALARDA KOGNITIV BUZILISHLAR PSIXOKORREKSIYASI

Mazkur maqolada giperaktivlik va diqqat sustligi kuzatiladigan bolalarda kognitiv buzilishlarning psixologik xususiyatlari tahlil qilinadi. Tadqiqotda ushbu bolalarda diqqatni jamlash, xotira, fikrlash jarayonlari hamda ijro funksiyalaridagi o‘zgarishlar o‘rganilgan. Shuningdek, giperaktiv va diqqat yetishmovchiligi bo‘lgan bolalarda uchraydigan kognitiv qiyinchiliklarning ta’lim jarayoniga va ijtimoiy moslashuviga ta’siri ko‘rib chiqilgan. Tadqiqot natijalariga ko‘ra, bunday bolalarda diqqat barqarorligining pastligi, impulsivlik, rejalashtirish va muammoni hal qilish jarayonlarida qiyinchiliklar kuzatilishi aniqlangan. Maqolada kognitiv buzilishlarni kamaytirish va bolalarning psixik rivojlanishini qo‘llab-quvvatlash maqsadida kognitiv-bixivioral yondashuvlar, rivojlantiruvchi mashg‘ulotlar hamda psixologik-pedagogik yordam usullaridan foydalanishning ahamiyati yoritilgan.