ОИЛА ПСИХОЛОГИЯСИ САЛОМАТЛИК ПОЙДЕВОРИ СИФАТИДА

Мамлакатимиз мустақилликга эришган дастлабки кунларданоқ оила жамиятимизнинг бирламчи бўлаги, унинг ҳар томонлама фаровонлиги мамлакатимизнинг ривожланиши ва тараққиётида ҳаракатлантирувчи куч бўлиб хизмат қилишига алоҳида эътибор қаратилди. Мавзунинг асосий мақсади оила психологияси ва унинг оила аъзолари ҳамда болалар саломатлигини сақлаш, уни янада мустаҳкамлаш, касалликларнинг олдини олиш, уларни келтириб чиқарувчи салбий омилларни бартараф қилишга қаратилган психологик ёндошувларни ишлаб чиқишдан иборат бўлди. Оилада шаклланган психологик ҳолатларнинг қай тарзда шаклланганлиги фарзандлар психологиясида ўз ифодасини, аксини топади. Фарзандларнинг келгусида қандай хулқ-атворга, характерга ва темпераментга эга бўлиши ҳам кўп жиҳатдан айнан оилада шаклланган руҳий ҳолатга боғлиқ. Демак, руҳият бу одамдалардаги барча фаолиятларнинг ижобий ёки салбий йўналишларини бошқариб турувчи ва белгилаб берувчи асосий жараён саналади.