CHET EL INVESTITSIYALARNING TASHQI IQTISОDIY HAMKОRLIKDAGI DOLZARBLIGI

Bugungi globallashuv sharoitida mamlakat iqtisodiyotining barqaror rivojlanishida xorijiy investitsiyalar muhim o‘rin tutadi. Xorijiy kapitalning jalb etilishi ishlab chiqarish hajmini oshirish, yangi ish o‘rinlari yaratish, eksport salohiyatini kengaytirish hamda zamonaviy texnologiyalar va boshqaruv tajribalarini iqtisodiyotga tatbiq etishga xizmat qiladi. O‘zbekiston Respublikasida ham so‘nggi yillarda investitsiya siyosatini liberallashtirish, xalqaro bozorlar bilan iqtisodiy integratsiyani chuqurlashtirish, tashqi savdo jarayonlarini soddalashtirish va mahalliy ishlab chiqaruvchilarni qo‘llab-quvvatlashga qaratilgan islohotlar natijasida xorijiy investitsiyalar oqimi sezilarli darajada oshdi.