DAVLAT IQTISODIY SIYOSATIDA PROGNOZLASHTIRISHNING TUTGAN O‘RNI

Maqolada davlat iqtisodiy siyosatida prognozlashtirishning mohiyati, uning strategik boshqaruvdagi o‘rni hamda O‘zbekistonda iqtisodiy rivojlanish jarayonlarini ilmiy asosda bashorat qilish mexanizmlarining ahamiyati yoritilgan. Tadqiqotda makroiqtisodiy tahlil, modellashtirish, ssenariylarni shakllantirish va monitoring bosqichlari orqali YAIM o‘sishini prognozlashning ilmiy-uslubiy asoslari bayon etiladi. Shuningdek, iqtisodiy xavflarni kamaytirish, investitsiya muhitini yaxshilash, fiskal barqarorlikni ta’minlash va hududiy rivojlanishdagi nomutanosibliklarni bartaraf etishda prognozlashning amaliy ahamiyati asoslab berilgan. Maqola natijalari davlat siyosatini rejalashtirishda prognozlashtirishning metodologik ustuvorligini ko‘rsatib, iqtisodiy qarorlarni shakllantirishda ilmiy yondashuvlar zarurligini ta’kidlaydi.