SURXONDARYO VILOYATIDA MEHNAT RESURSLARI HARAKATCHANLIGI VA HUDUDIY BANDLIK BARQARORLIGI O‘RTASIDAGI O‘ZARO BOG‘LIQLIKNING STATISTIK TAHLILI

Mazkur maqolada Surxondaryo viloyati misolida mehnat resurslari harakatchanligi va hududiy bandlik barqarorligi o‘rtasidagi o‘zaro bog‘liqlik statistik yondashuv asosida tahlil qilinadi. Tadqiqot mehnat migratsiyasi va ichki mehnat oqimlarini hududiy bandlikka ta’sir etuvchi muhim omil sifatida talqin qiladi hamda ularning ijtimoiy-iqtisodiy muvozanatga ta’sirini aniqlashga qaratilgan. Mehnat resurslari harakatchanligi nafaqat ishchi kuchi yetishmovchiligi yoki ortiqligi bilan izohlanadi, balki hududiy iqtisodiyotning tarkibiy xususiyatlari, bandlik sifati va mehnat bozorining moslashuvchanlik darajasi bilan bevosita bog‘liq ekanligi asoslab beriladi. Maqolada statistik modellashtirish yordamida mehnat resurslari oqimlarining bandlik darajasi, sektorlar kesimidagi bandlik tuzilmasi va mehnat bozori barqarorligiga ta’siri empirik jihatdan yoritiladi. Tadqiqot natijalari hududiy mehnat siyosatini shakllantirish, bandlikni diversifikatsiyalash va mehnat resurslaridan samarali foydalanish bo‘yicha ilmiy asoslangan xulosalar chiqarish imkonini beradi.