TIJORAT BANKLARI CHAKANA XIZMATLARINI RIVOJLANTIRISHDA MAVJUD MUAMMOLAR

Zamonaviy bank tizimining barqarorligi va raqobatbardoshligi ko‘p jihatdan tijorat banklari tomonidan ko‘rsatiladigan chakana xizmatlar hajmi, sifati va innovatsionligi bilan belgilanadi. Aholi va kichik biznes segmentiga yo‘naltirilgan ushbu xizmatlar banklar uchun eng muhim daromad manbalaridan biri bo‘lib, moliyaviy inklyuziyani kengaytirishda ham muhim rol o‘ynaydi. Biroq O‘zbekiston sharoitida chakana bank xizmatlari bozorining rivojlanishida bir qator tizimli va tashkiliy muammolar saqlanib qolmoqda.Tijorat banklari chakana bank xizmatlarini rivojlantirishga ta’sir etuvchi asosiy omil – ushbu xizmatlarni joriy etishda bank uchun yuqori xarajatlar talab etilishidir.