TAJRIBAVIY METABOLIK SINDROM TA’SIRIDA MIOKARDNING MORFOLOGIK O‘ZGARISHLARI

Mazkur tezisda tajribaviy metabolik sindrom sharoitida ona organizmidagi metabolik buzilishlarning avlod yuragi morfologik rivojlanishiga ta’siri yoritilgan. Tadqiqot oq laborator kalamushlarida olib borilib, nazorat va metabolik sindrom modeli chaqirilgan guruhlar taqqoslangan. Homiladorlik davrida ona organizmida kuzatilgan giperglikemiya, dislipidemiya va tana vaznining ortishi fonida tug‘ilgan avlod yuragida gistologik va morfometrik o‘zgarishlar aniqlangan. Tadqiqot natijalari metabolik sindromning homila yurak-qon tomir tizimi shakllanishiga salbiy ta’sir ko‘rsatishini hamda miokardda distrofik, gemodinamik va stromal o‘zgarishlarni yuzaga keltirishini ko‘rsatdi.