“ER SHORA” DÁSTANÍNDA SOMATIKALÍQ FRAZEOLOGIZMLERDIŃ QOLLANÍLÍWÍ

    Frazeologizmler – eki yamasa onnan da kóp sózlerdiń dizbeklesiwinen quralıp, bir-birinen ajıratıp qarawǵa bolmaytuǵın turaqlı sóz dizbekleri. Olardıń komponentleri bir-biri menen erkin túrde baylanıspay, burınnan qáliplesken halda yamasa uzaq waqıtlar dawamında turaqlı túrde qollanılıwı nátiyjesinde óz ara mánilik hám grammmatikalıq jaqtan bir pútinlikti bildirip, mánisi boyınsha bir sózge barabar bolıp keledi, tilde bir leksikalıq birlik retinde, sintaksislik jaqtan bir gáp aǵzasına qatnaslı qollanıladı.