INGLIZ TILI O‘QITISHDA INTERAKTIV METODLARDAN FOYDALANISH SAMARADORLIGI

Ushbu maqolada ingliz tili ta’lim jarayonida interaktiv metodlardan foydalanishning samaradorligi tahlil qilinadi. Zamonaviy ta’lim jarayonida an’anaviy yondashuvlardan farqli o‘laroq, interaktiv metodlar talabalarni faol ishtirok etishga, mustaqil fikrlash va ijodiy yondashuvni shakllantirishga yordam beradi. Tadqiqotda ingliz tili darslarida qo‘llaniladigan turli interaktiv usullar – “Aqliy hujum”, “Rol o‘ynash”, “Debat”, “Klaster” va boshqa metodlarning samaradorligi amaliy jihatdan ko‘rsatib beriladi. Ushbu metodlardan foydalanish talabalarning kommunikativ ko‘nikmalarini rivojlantirish, lug‘at boyligini kengaytirish hamda o‘quv jarayoniga qiziqishini oshirishga xizmat qilishi ilmiy asoslangan.