GIPERTONIYA VA OʻPKANING SURUNKALI OBSTRUKTIV KASALLIGI FONIDA TELMISARTANNING KARDIAL DISFUNKSIYALARNI TUZATISHDAGI OʻRNI

Ushbu maqolada gipertoniya va o‘pkaning surunkali obstruktiv kasalligi (OSOK) fonida yuzaga keladigan kardial disfunksiyalarni korreksiya qilishda Telmisartanning o‘rni yoritilgan. Tadqiqot davomida yurak-qon tomir tizimi faoliyatining buzilishi, ayniqsa, chap qorincha disfunktsiyasi va yurak yetishmovchiligi bilan bog‘liq holatlar tahlil qilindi. Telmisartanning angiotenzin II retseptorlar blokatori sifatidagi ta’siri, uning yurak mushaklariga va qon bosimiga ko‘rsatgan ijobiy ta’siri asoslab berildi. Shuningdek, OSOK bo‘lgan bemorlarda bu dorining yurak faoliyatini tiklash va umumiy klinik ko‘rsatkichlarni yaxshilashdagi samaradorligi klinik kuzatuvlar orqali tasdiqlandi. Maqola natijalari Telmisartanning gipertoniya va OSOK fonida yuzaga keladigan kardial asoratlarni oldini olish va davolashda muhim ahamiyatga ega ekanligini ko‘rsatadi.