“Tarjimonlik san’atida Shayxzoda izlari: G‘arb va Sharq adabiyoti orasidagi ko‘prik

Ushbu maqolada Maqsud Shayxzodaning tarjimonlik san’atidagi faoliyati hamda uning G‘arb va Sharq adabiyoti o‘rtasida ma’naviy ko‘prik vazifasini bajargan ibratli xizmatlari tahlil qilinadi. Shayxzoda jahon va sharq adabiyotining eng yuksak namunalarini o‘zbek tiliga mohirlik bilan tarjima qilib, nafaqat adabiy, balki madaniy-ma’naviy aloqalarni mustahkamlashga katta hissa qo‘shgan. U asliyatga sadoqat, badiiylik va milliy ruh uyg‘unligini tarjima jarayonida muvozanatli tarzda saqlagan tarjimon sifatida yuksak e’tirofga loyiqdir. Mazkur maqolada uning tarjima uslubi, adabiy didi va estetik qarashlari atroflicha tahlil qilinadi.