O‘ZBEKISTONDA AYOLLAR ORASIDA OIV-INFEKSIYASINING TARQALISH TENDENSIYALARI VA EPIDEMIOLOGIYASI

Ushbu maqolada muallif tomonidan O‘zbekiston Respublikasida ayollar orasida OIV-infeksiyasi tarqalishining retrospektiv epidemiologik tahlili natijalari keltirilgan. Tadqiqot davomida epidemik jarayonning hududiy va jins tarkibi bo‘yicha nomutanosibligi hamda uning ijtimoiy-tibbiy omillar bilan o‘zaro bog‘liqligi aniqlangan. O‘tkazilgan tahlillar OIV-infeksiyasi bo‘yicha epidemik vaziyat hududlarning demografik xususiyatlariga ko‘ra turlicha ekanligini, hozirgi vaqtda infeksiyaning jinsiy yo‘l bilan yuqish mexanizmi yetakchilik qilayotganligini hamda asosan aholining mehnatga layoqatli, reproduktiv yoshdagi qatlami orasida ko‘proq qayd etilayotganligi aniqlandi. Erkaklar orasida kasallanishning yuqori intensivlik ko‘rsatkichlari profilaktika tizimini «genderga yo‘naltirilgan yondashuv» tamoyili asosida takomillashtirish zarurligini taqozo etmoqda. OIV-infeksiyasining profilaktikasini takomillashtirishda reproduktiv salomatlik xizmatlari bilan integratsiyalashgan model va maqsadli strategik dasturlarni ishlab chiqish kerakligi asoslab berilgan.