BOLALARDA O‘TKIR VIRUSLI DIAREYALAR KECHISHINING O`ZIGA XOS XUSUSIYATLARI VA PARHEZNING AHAMIYATI

Ushbu maqolada bolalarda o‘tkir virusli diareyalarning kechishiga xos klinik xususiyatlar hamda parhez terapiyasining davolash jarayonidagi ahamiyati yoritilgan. Virusli diareyalar bolalar orasida eng ko‘p uchraydigan yuqumli kasalliklardan biri bo‘lib, ayniqsa 5 yoshgacha bo‘lgan bolalarda tez-tez kuzatiladi. Kasallik ko‘pincha suvli ich ketish, qusish, tana haroratining ko‘tarilishi, ishtahaning pasayishi va turli darajadagi suvsizlanish bilan namoyon bo‘ladi. Tadqiqot davomida kasallikning erta yoshdagi bolalarda og‘irroq kechishi, suvsizlanish xavfi yuqoriligi va ovqat hazm qilish faoliyatining buzilishi aniqlangan. Shuningdek, ratsional parhez terapiyasi qo‘llanilganda klinik belgilar tezroq yo‘qolishi, ich ketish davomiyligi qisqarishi hamda umumiy ahvolning tez tiklanishi kuzatilgan. Emizikli bolalarda ona sutini davom ettirish, yoshiga mos ovqatlantirishni saqlash, yengil hazm bo‘ladigan mahsulotlar berish va suyuqlik yetkazib berish muhim omil hisoblanadi. Natijalar parhez terapiyasi kompleks davolashning ajralmas qismi ekanligini ko‘rsatadi.