INFEKSION VA METABOLIK OMILLAR FONIDA RIVOJLANGAN IKKILAMCHI DISMETABOLIK PIELONEFRIT: BOLALARDA KLINIK-LABORATOR KO‘RSATKICHLAR VA SIYDIK FERMENTLARI DINAMIKASINING EPIDEMIOLOGIK AHAMIYATI

Ushbu maqola infeksion va metabolik omillar fonida rivojlangan ikkilamchi dismetabolik pielonefritning bolalardagi klinik-laborator xususiyatlari hamda siydik fermentlari dinamikasining epidemiologik ahamiyatini yoritadi. Tadqiqotga 5–16 yoshdagi 112 nafar bola jalb etildi: 88 nafari asosiy guruh, 24 nafari sog‘lom nazorat guruhi. Barcha ishtirokchilarda klinik ko‘rik, umumiy qon va siydik tahlillari, siydikning nisbiy zichligi, kristalluriya darajasi hamda siydik γ-GT faolligi baholandi. Natijalarga ko‘ra, bemorlarning sezilarli qismida oilaviy buyrak kasalliklari, metabolik buzilishlar va siydik yo‘llari infeksiyalari aniqlanib, irsiy va infeksion omillarning roli tasdiqlandi. Kristalluriya 38,6 % holatda qayd etilib, oksalatlar ustunlik qildi va nazorat guruhiga nisbatan ishonchli yuqori ko‘rsatkichlar kuzatildi (p<0,01–0,001). Siydik γ-GT faolligining oshishi tubulointerstitsial shikastlanish belgisi sifatida baholandi (p<0,001). Olingan ma’lumotlar siydikning nisbiy zichligi va fermentativ ko‘rsatkichlar monitoringi buyrak kanalchalari disfunksiyasini erta aniqlash, kasallik prognozini baholash hamda qaytalanishlarning oldini olishda muhim diagnostik ahamiyatga ega ekanini ko‘rsatadi.