AR/VR ASOSIDA MURAKKAB TABIIY HODISALARNI O‘RGATISH METODIKASI

Ushbu tezisda SCIENCE fanlarida murakkab tabiiy hodisalarni o‘qitishda AR (augmented reality – kengaytirilgan reallik) va VR (virtual reality – virtual reallik) texnologiyalaridan foydalanish metodikasi yoritiladi. Zamonaviy ta’lim jarayonida abstrakt tushunchalar va murakkab jarayonlarni o‘quvchilarga aniq, vizual va interaktiv tarzda yetkazish eng dolzarb muammolardan biri hisoblanadi. AR/VR texnologiyalari bu jarayonni samarali tashkil etishga xizmat qilib, o‘quvchilarda ilmiy tafakkurni rivojlantiradi, motivatsiyasini oshiradi hamda nazariya va amaliyot o‘rtasidagi uzviy bog‘liqlikni ta’minlaydi. Tadqiqotda AR/VR texnologiyalarining didaktik imkoniyatlari, metodik yondashuvlari va o‘quvchi faolligiga ta’siri ilmiy asosda tahlil qilinadi.