SUG‘ORILADIGAN MAYDONLARDA TUPROQ NAMLIGINING FAZOVIY O‘ZGARUVCHANLIGINI HISOBGA OLUVCHI ROBOTOTEXNIK VA MEXATRONIK VOSITALAR ASOSIDAGI AVTOMATLASHTIRILGAN INTELLEKTUAL SUG‘ORISH TIZIMINI ISHLAB CHIQISH

Ushbu maqolada sug‘oriladigan maydonlarda tuproq namligining fazoviy  o‘zgaruvchanligini hisobga oluvchi robototexnik va mexatronik vositalar asosidagi  avtomatlashtirilgan intellektual sug‘orish tizimini ishlab chiqish masalasi tadqiq etiladi.  Sug‘oriladigan maydonlarda tuproq namligi, tuproqning fizik xususiyatlari, relyef, meteorologik  sharoit va ekinning rivojlanish bosqichlari hudud bo‘yicha bir xil bo‘lmaganligi sababli butun  maydonni yagona sug‘orish rejimi asosida boshqarish suv resurslaridan foydalanish samaradorligini  pasaytirishi mumkin. Shu sababli tadqiqotda maydonni tuproq namligi va boshqa agroekologik  ko‘rsatkichlarning fazoviy o‘zgaruvchanligi asosida boshqaruv zonalariga ajratish masalasi ko‘rib  chiqiladi.