KOLXAMINNING 2-METIL-5-ETILPIRIDIN BILAN YANGI HOSILASINING SINTEZI

Maqolada kolxamin (demekolsin, demecolcine) asosida 2-metil-5-etilpiridin fragmentini tutuvchi  yangi N-substitutsiyalangan hosilani olishning ilmiy asoslangan sintez strategiyasi taklif etildi.  Adabiyotlar tahlili kolxaminning C₂₁H₂₅NO₅ formulali ikkilamchi amin ekanini, 2-metil-5-etilpiridin  esa C₈H₁₁N formulali alkilpiridin ekanini ko‘rsatadi. Mazkur ikki asosning to‘g‘ridan-to‘g‘ri  aralashishi barqaror kovalent hosila berishi uchun yetarli reaktivlikka ega emas; shu sababli 2-metil 5-etilpiridinning metil guruhini avval 5-etil-2-(xlorometil)piridin ko‘rinishiga funksionallashtirish,  keyin esa kolxaminning ikkilamchi amin markazida N-alkillash taklif qilindi. Hisoblangan maqsadli  mahsulot formulasi C₂₉H₃₄N₂O₅, o‘rtacha molyar massasi 490,60 g/mol va hisoblangan [M+H]⁺  qiymati m/z 491,2540 ni tashkil etadi.