Fuqarolik ishlarini soddalashtirilgan tartibda ko‘rish yuzasidan xorijiy davlatlar tajribasi

Mazkur maqolada fuqarolik ishlarini soddalashtirilgan tartibda ko‘rib chiqish amaliyoti tahlil qilinadi hamda xorijiy davlatlarning bu boradagi ilg‘or tajribalari o‘rganiladi. Asosan Germaniya, Fransiya, AQSh, Rossiya kabi davlatlar sud tizimida soddalashtirilgan tartiblar qanday ishlashi, ularning yuridik mexanizmlari, qo‘llanish shartlari va samaradorligi tahlil qilinadi. Shuningdek, O‘zbekistonda ushbu yo‘nalishni rivojlantirish uchun xorijiy tajribalarni qiyosiy-huquqiy tahlil asosida tatbiq etish imkoniyatlari ko‘rib chiqiladi. Maqola fuqarolik sud ishlarini yengillashtirish, sud yuklamasini kamaytirish va sud tizimining samaradorligini oshirish bo‘yicha amaliy takliflar ishlab chiqishga qaratilgan.