DUNYOVIY VA DINIY BILIMLAR MUTANOSIBLIGINI TA’MINLASHNING AHAMIYATI

Ushbu maqolada dunyoviy va diniy bilimlarning o‘zaro uyg‘unligini ta’minlash masalasi ilmiy-nazariy jihatdan tahlil qilingan. Dunyoviy va diniy bilimlarning inson ma’naviy kamoloti, ijtimoiy barqarorlik va millatlararo totuvlikni mustahkamlashdagi o‘rni yoritilgan. Tadqiqotda falsafiy, tarixiy va pedagogik manbalar tahlili asosida jamiyatda ma’naviy muvozanatni saqlash omillari ko‘rib chiqilgan. Shuningdek, yosh avlodni ma’rifatli, tolerant va bag‘rikeng ruhda tarbiyalashda diniy va dunyoviy ta’limning o‘zaro ta’siri tahlil qilingan. Tadqiqot natijalari diniy bag‘rikenglikni, milliy qadriyatlarni va zamonaviy tafakkurni uyg‘unlashtirish orqali barqaror rivojlanishga erishish mumkinligini ko‘rsatadi.