KORRUPSIYANING IQTISODIYOTGA SALBIY TA’SIRI

Mazkur maqolada korrupsiya hodisasining iqtisodiyotga ko‘rsatadigan salbiy ta’siri keng qamrovda, nazariy va amaliy jihatdan tahlil qilinadi. Korrupsiya iqtisodiy rivojlanishga to‘sqinlik qiluvchi asosiy omillardan biri bo‘lib, davlat byudjeti barqarorligiga, investitsion muhitga, bozor mexanizmlarining samarali ishlashiga hamda aholi farovonligiga jiddiy zarar yetkazadi. Maqolada korrupsiyaning iqtisodiy mohiyati, uning makro va mikroiqtisodiy darajadagi oqibatlari, shuningdek, O‘zbekiston Respublikasida korrupsiyaga qarshi kurashish borasida amalga oshirilayotgan islohotlarning iqtisodiy ahamiyati tahlil etiladi. Tadqiqot davomida mahalliy ilmiy adabiyotlar, normativ-huquqiy hujjatlar va statistik ma’lumotlardan foydalanildi. O‘rganish natijalari korrupsiyaga qarshi samarali kurash iqtisodiy o‘sishni ta’minlashning muhim sharti ekanligini ko‘rsatadi.