QURUQ SUBTROPIK MINTAQADA MONARDANING KO‘K MASSA HOSILDORLIGI

Maqolada O‘zbekiston janubining quruq subtropik sharoitida monarda nav namunalarining fenologik rivojlanishi, morfobiologik xususiyatlari va ko‘k massa hosildorligini o‘rganish natijalari keltirilgan. Tadqiqotlar 2024–2026-yillarda Sabzavot, poliz ekinlari va kartoshkachilik ITIning Surxondaryo ilmiy tajriba stansiyasida olib borildi. 9 ta introduksiya qilingan nav namunasi orasidan "Limonniy aromat" va "Vkus bergamota" istiqbolli sifatida ajratib olindi. Ikki yillik (2025–2026) natijalarga ko‘ra, o‘rtacha ko‘k massa hosildorligi "Limonniy aromat" navida 9044 kg/ga, "Vkus bergamota" navida esa 8235,5 kg/ga ni tashkil etdi. Olingan natijalar mintaqa sharoitida monardani ko‘k massa uchun yetishtirishda mazkur navlarning yuqori salohiyatga ega ekanligini ko‘rsatadi