ONA TILI O‘QITISH ORQALI NUTQ MADANIYATINI RIVOJLANTIRISHNING PSIXOLINGVISTIK ASOSLARI

Mazkur maqolada ona tili ta’limi jarayonida boshlang‘ich sinf  o‘quvchilarining nutq madaniyatini rivojlantirishning psixolingvistik asoslari tahlil  etilgan. Nutq madaniyatining shakllanishi til birliklarini o‘zlashtirish bilangina  cheklanmay, balki o‘quvchining idrok etishi, xotirasi, tafakkuri, diqqat-e’tibori,  motivatsiyasi, nutqni rejalashtirishi va muloqot jarayonida undan maqsadga  muvofiq foydalanishi bilan bog‘liqligi asoslangan. Ona tili darslarida so‘z, gap,  matn va dialog bilan ishlashning psixolingvistik imkoniyatlari ochib berilgan.  Shuningdek, o‘quvchilarning nutqiy faoliyatini faollashtirish, fikrni mustaqil  ifodalash, nutqiy vaziyatga mos til vositalarini tanlash va kommunikativ maqsadga  muvofiq nutq tuzish jarayonlarining pedagogik ahamiyati yoritilgan. Tadqiqot  natijasida ona tili ta’limida psixolingvistik yondashuv asosida nutq madaniyatini  rivojlantirishning asosiy omillari va metodik imkoniyatlari aniqlangan.