YOSHLAR OVOZI: ZAMONAVIY TARG‘IBOT VA IJTIMOIY FAOLLIKNING YANGI QIYOFASI

Mazkur maqolada globallashuv, raqamli kommunikatsiya va ijtimoiy  munosabatlarning yangilanishi sharoitida yoshlar ovozining jamiyat taraqqiyotidagi o‘rni hamda  zamonaviy targ‘ibotning mazmuniy va kommunikativ transformatsiyasi tadqiq etiladi. Tadqiqotning  asosiy e’tibori yoshlarni ijtimoiy jarayonlarning oddiy kuzatuvchisi yoki tayyor g‘oyalarning qabul  qiluvchisi sifatida emas, balki ijtimoiy mazmun yaratuvchi, tashabbus ilgari suruvchi, jamoatchilik  fikriga ta’sir ko‘rsatuvchi va real o‘zgarishlarni yuzaga keltiruvchi faol subyekt sifatida talqin  qilishga qaratilgan. Muallif “yoshlar ovozi” tushunchasini shunchaki yoshlarning o‘z fikrini bildirish  huquqi bilan chegaralash yetarli emasligini ta’kidlab, uni fikr, tashabbus, mas’uliyat va natijaning  uzviy birligi sifatida talqin qiladi.