FAOL YOSH — JAMIYAT TAYANCHI: YOSHLAR TASHABBUSLARINI QO‘LLAB QUVVATLASHNING AHAMIYATI

Mazkur maqolada zamonaviy jamiyat taraqqiyotida yoshlarning o‘rni, faol yosh  shaxsini shakllantirishning ijtimoiy-pedagogik omillari hamda yoshlar tashabbuslarini qo‘llab quvvatlashning strategik ahamiyati tahlil qilinadi. Tadqiqotning dolzarbligi shundaki, bugungi  globallashuv, raqamlashtirish, bilimlar iqtisodiyoti va tezkor ijtimoiy o‘zgarishlar sharoitida  mamlakatning taraqqiyot sur’ati ko‘p jihatdan uning yosh avlodining bilim, tashabbus, ijodkorlik va  ijtimoiy mas’uliyatidan kelib chiqadi. O‘zbekistonda 14–30 yoshdagi yoshlar 9,5 million kishini,  ya’ni mamlakat aholisining qariyb chorak qismini tashkil etayotgani yoshlar masalasiga qisqa  muddatli emas, balki uzoq muddatli va tizimli yondashuv zarurligini ko‘rsatadi.