INKJET VA LAZER BOSMA TEXNOLOGIYALARIDA RANG BARQARORLIGI: EPSON, CANON VA KYOCERA PRINTERLARI MISOLIDA

Maqolada inkjet va lazer bosma texnologiyalarida rang barqarorligini shakllantiruvchi fizik kimyoviy va texnologik omillar Epson, Canon va Kyocera printerlari misolida qiyosiy tahlil qilindi.  Tadqiqot laboratoriya tajribasi sifatida emas, balki standartlar, ishlab chiqaruvchi texnik hujjatlari va  ilmiy adabiyotlarga tayangan analitik tadqiqot sifatida tashkil etildi. Rang barqarorligini baholash  uchun CIELAB koordinatalari, CIEDE2000 rang farqi (ΔE00), optik zichlik, rang gamuti, gloss  hamda vaqt bo‘yicha drift mezonlari asosiy indikatorlar sifatida belgilandi. Epson EcoTank L8050  ning olti rangli dye-ink tizimi, Canon PIXMA oilasidagi ChromaLife/FINE yechimlari va Kyocera  TASKalfa rangli lazer tizimlarining toner-fiksatsiya mexanizmi taqqoslandi. Tahlil dye asosidagi  inkjet bosmada rang to‘yinganligi va fotografik silliqlik yuqori bo‘lishi mumkinligini, biroq  natijaning media, ultrabinafsha nurlanish, ozon va namlikka sezgirligini ko‘rsatdi. Pigment asosidagi  inkjet tizimlari uzoq muddatli saqlanish va yorug‘likka chidamlilikda ustunlikka ega. Lazer bosmada  esa tonerning issiqlik va bosim yordamida qog‘oz yuzasiga fiksatsiyasi operatsion barqarorlik, suv  va ishqalanishga nisbatan chidamlilikni oshiradi.