BOLALAR JARROHLIGIDA SUN’IY INTELLEKT: TAVSIFIY SHARH

Sun'iy intellekt (SI) diagnostika aniqligi, jarrohlik amaliyotini rejalashtirish, intraoperatsion yo'naltirish va operatsiyadan keyingi parvarishni yaxshilash orqali bolalar jarrohligini tubdan o'zgartirmoqda. Ushbu tavsifiy sharh 2016–2026-yillarda PubMed va Web of Science bazalarida tanlangan 66 ta maqola asosida SI ning pediatrik jarrohlikdagi qo'llanilishlarini umumlashtiradi va uning klinik parvarish, jarrohlik ta'limi hamda bemor natijalariga ta'sirini baholaydi. Natijalar SI appenditsit, nekrotizirlovchi enterokolit, Girshprung kasalligi va o't yo'llari atreziyasi kabi holatlarda diagnostik aniqlikni oshirishini, 3D modellashtirish orqali jarrohlik rejalashtirishni qo'llab-quvvatlashini hamda asoratlarni bashorat qilish orqali operatsiyadan keyingi parvarishni yaxshilashini ko'rsatdi. Shu bilan birga, pediatrik ma'lumotlar yetishmasligi va hal etilmagan axloqiy-huquqiy masalalar kabi cheklovlar mavjud. Kelgusi tadqiqotlar ishonchli bolalarga doir ma'lumotlar to'plamini yaratish va klinik validatsiyaga qaratilishi kerak.