RAQAMLI TA’LIM SHAROITIDA TALABALAR MUSTAQIL TAYYORGARLIGINI RIVOJLANTIRISH PEDAGOGIK MUAMMO SIFATIDА

Mazkur maqolada XX asrda pedagogika sohasida tadqiqot olib borgan olimlar asosan ta’lim jarayonini tashkil etishda qanday o‘qitish masalalariga e’tibor qaratgan hamda ta’lim jarayoni markaziga o‘qituvchi shahsini qo‘ygan bo‘lsa, XXI asr pedagogikasiga ko‘ra, ta’limjarayoni markazida talaba shaxsi turadi va muhimi qanday o‘qitish emas, balki asosan talabaning faolligi bo‘lib, ya’ni uning qanday o‘qishi, o‘rganishi masalalariga alohida ahamiyat beriladi. Jumladan, “Iqtisodiy hamkorlik va taraqqiyot tashkiloti” (OECD) “Ta’lim va ko‘nikmalar kelajagi 2030” loyihasi doirasida dunyoning turli mamlakatlariga ikkita keng qamrovli savolga javob topishda yordam berib kelmoqda: Bugungi ta’lim oluvchilar qanday bilim, ko‘nikma, qadriyat va kompetensiyalarga ega bo‘lishi kerak? Qanday qilib ta’lim tizimi ushbu bilim, ko‘nikma va kompetensiyalarni samarali rivojlantirishi mumkin? Sababi, so‘nggi yillarda axborot hajminingkeskin ortishi, fan va sanoat sohalarning ko‘payishi talabaga kelajakda o‘z faoliyatlarini mustaqil tashkil etish, noodatiy vaziyatlarda mustaqil yechim topa olishi uchun o‘qituvchi tomonidan tayyor – standart bilim berilishi emas, uni qanday olish va o‘zlashtirishni o‘rgatilishi muhim deb hisoblanmoqda.XXI-asr pedagogikasining mazkur tendensiyalari bizni bo‘lajak mutaxassis kadrlarning, ya’ni talabalarning mustaqil tayyorgarligini rivojlantirish muammmosiga e’tibor qaratishga undaydi.Ushbu maqola yuqoridai muammolarning yechimi bo‘la oladi.