SUV RESURSLARIDAN FOYDALANGANLIK UCHUN SOLIQ STAVKASI O'ZGARISHINING PLASTIK GRANULA ISHLAB CHIQARUVCHI KORXONALARIGA TA‘SIRI

Mazkur maqolada suv resurslaridan foydalanganlik uchun soliq stavkalarining o‘zgarishi plastik granula ishlab chiqaruvchi korxonalar faoliyatiga ko‘rsatadigan iqtisodiy va ekologik ta’siri tahlil qilinadi. Tadqiqot davomida suvdan foydalanish xarajatlarining oshishi ishlab chiqarish tannarxi, korxonalarning moliyaviy barqarorligi hamda ularning ichki va tashqi bozordagi raqobatbardoshligiga qanday ta’sir ko‘rsatishi asoslab berilgan. Shuningdek, soliq siyosatidagi o‘zgarishlarning resurslardan oqilona foydalanishni rag‘batlantiruvchi omil sifatidagi ahamiyati ochib beriladi. Tahlil natijalari shuni ko‘rsatadiki, suv resurslari uchun soliq stavkalarining oshirilishi qisqa muddatda korxonalar xarajatlarini ko‘paytirsa-da, uzoq muddatda innovatsion texnologiyalarni joriy etish, suvni qayta ishlash tizimlaridan foydalanish va ishlab chiqarish samaradorligini oshirishga xizmat qiladi. Maqolada ushbu muammolarni yumshatish bo‘yicha amaliy tavsiyalar ham ishlab chiqilgan.