MIKROBLARGA QARSHI KIMYOTERAPIYA MUAMMOLARI: KLINIK AMALIYOTDA BAKTERIYALARNING REZISTENTLIK MEXANIZMLARI VA ULARNI BARTARAF ETISH YOʻLLARI

Ushbu maqolada mikroblarga qarshi kimyoterapiya (antibiotiklar) samarasini pasaytiruvchi eng dolzarb muammolardan biri — bakteriyalarning dori vositalariga chidamliligi (rezistentligi) masalalariga bagʻishlangan. Ishda bakteriyalarning antimikrob preparatlarni parchalash (fermentativ inaktivatsiya), dori nishonlarini oʻzgartirish, hujayra membranasi oʻtkazuvchanligini pasaytirish va dori moddasini hujayradan tashqariga haydash (efflyuks nasoslari) kabi molekulyar va genetik mexanizmlari atroflicha tahlil qilingan. Shuningdek, mazkur muammoni bartaraf etish yoʻllari — ratsional antibiotikoterapiya tamoyillariga amal qilish, kombinatsiyalangan davolash usullarini qoʻllash hamda zamonaviy farmakologiyada ishlab chiqilayotgan yangi avlod preparatlari va ferment ingibitorlaridan foydalanish strategiyalari yoritilgan.