XO‘JALIK YURITUVCHI SUBYEKTLARDA MOLIYAVIY NATIJALAR HISOBI VA AUDITINI TAKOMILLASHTIRISH MASALALARI

Ushbu maqolada xo‘jalik yurituvchi subyektlarda moliyaviy natijalar hisobi va auditini tashkil etishning nazariy hamda amaliy jihatlari yoritilgan. Moliyaviy natijalar korxona faoliyatining yakuniy iqtisodiy ko‘rsatkichi sifatida daromadlar, xarajatlar, foyda va zarar munosabatlari orqali shakllanadi. Ularning to‘g‘ri hisobga olinishi moliyaviy hisobotlarning ishonchliligi, soliq majburiyatlarining haqqoniy aniqlanishi, boshqaruv qarorlarining asoslanganligi va investitsion jozibadorlikni ta’minlashda muhim ahamiyat kasb etadi. Maqolada daromad va xarajatlarni tan olish, sof foydani shakllantirish, auditorlik tekshiruvlarida dalillarning yetarliligi, ichki nazorat tizimining ta’siri, moliyaviy natijalarni noto‘g‘ri aks ettirish xavflari va ularni bartaraf etish yo‘llari tahlil qilingan. O‘zbekiston Respublikasining “Buxgalteriya hisobi to‘g‘risida”gi Qonuni, “Auditorlik faoliyati to‘g‘risida”gi Qonuni va 1-sonli BHMS talablari asosida xo‘jalik yurituvchi subyektlarda moliyaviy natijalar hisobini takomillashtirish bo‘yicha amaliy takliflar ishlab chiqilgan.