ANIQ TIBBIYOT SARI: GENETIK ASOSLANGAN FARMAKOTERAPIYA

So‘nggi yillarda aniq tibbiyot konsepsiyasi klinik amaliyotga keng joriy etilib, bemorlarning individual genetik xususiyatlarini hisobga olgan holda davolash samaradorligini oshirish imkonini bermoqda. Farmakogenetika va farmakogenomika yutuqlari dori vositalarining farmakokinetikasi hamda farmakodinamikasiga ta’sir qiluvchi genetik polimorfizmlarni aniqlashga xizmat qiladi. Ushbu maqolada genetik asoslangan farmakoterapiyaning nazariy asoslari, asosiy biomarkerlar, CYP450 ferment tizimi polimorfizmlari va ularning klinik ahamiyati tahlil qilindi. Shuningdek, individual yondashuvning dori samaradorligini oshirish, nojo‘ya ta’sirlarni kamaytirish va davolash xavfsizligini ta’minlashdagi o‘rni yoritildi. Tadqiqot natijalari aniq tibbiyot tamoyillarini amaliy sog‘liqni saqlash tizimiga joriy etish farmakoterapiyaning samaradorligini sezilarli darajada oshirishini ko‘rsatadi.