AHOLINI IJTIMOIY QO‘LLAB-QUVVATLASHGA YO‘NALTIRILGAN BUDJET MABLAG‘LARING IQTISODIY SAMARADORLIGI TAHLILI

Mazkur maqolada aholini ijtimoiy qo‘llab-quvvatlashga yo‘naltirilayotgan budjet mablag‘larining manzilliligi va allokativ samaradorligini oshirish masalalari tadqiq etilgan. Tadqiqotning maqsadi cheklangan fiskal resurslar sharoitida ijtimoiy transfertlarning natijadorligini maksimallashtirish bo‘yicha ilmiy-uslubiy takliflar ishlab chiqishdan iborat. Muallif tomonidan respublika hududlari kesimida ijtimoiy nafaqalar taqsimoti statistik guruhlash va logistik regressiya usullari yordamida tahlil qilingan. Tahlillar jarayonida amaldagi reyestr tizimidagi inklyuziv va eksklyuziv xatolik darajalari aniqlanib, tizimli muammolar guruhlangan. Maqolaning ilmiy yangiligi sifatida davlat budjeti, budjetdan tashqari jamg‘armalar va xalqaro grantlarni yagona konsolidatsiyalashgan tizimda baholash uslubiyoti ilgari surilgan. Shuningdek, uy xo‘jaliklarining norasmiy daromadlarini Big Data texnologiyalari orqali aniqlash va tabaqalashgan hududiy mezonlarni joriy etish taklif qilingan. Xulosada ushbu mexanizmlarning amaliyotga tatbiq etilishi ijtimoiy siyosat natijadorligini hamda budjet mablag‘larining multiplikativ samarasini ta’minlashi asoslangan.