KOPING STRATEGIYALARINING SPORTCHI SHAXSIGA IJOBIY TA’SIRLARI

Ushbu ilmiy maqolada koping strategiyalarining sportchi  shaxsining psixologik rivojlanishiga hamda musobaqa samaradorligiga ko‘rsatadigan  ijobiy ta’siri har tomonlama tahlil qilinadi.  Tadqiqotda koping tushunchasining kelib  chiqish tarixi hamda zamonaviy sport psixologiyasidagi o‘rni yoritiladi. Maqolada  koping strategiyalarining afzalliklari va ahamiyati, xususan, emotsional o‘z-o‘zini  boshqarish, kognitiv baholash, psixologik chidamlilik, o‘z-o‘ziga bo‘lgan ishonchdagi  roli atroflicha asoslab beriladi. Shuningdek, koping strategiyalarining turli yosh  davrlarida (o‘smirlik, ilk o‘spirinlik va professional sportchilar) namoyon bo‘lish  xususiyatlari hamda jamoaviy, yakkakurash va individual sport turlaridagi o‘ziga  xosliklari ilmiy manbalar orqali tahlil qilinadi.