TAJRIBA DALASINING DASTLABKI AGROKIMYOVIY KO’RSATKICHLARI

Ushbu maqolada kaliyli o’g’it shakllarining kungaboqar ekiniga go’llashda tajriba dalasining dastlabki agrokimyoviy tahlili o’rganiladi. Ushbu tahlilni bajarish uchun tajriba dalasini shudgorlashdan oldin tuproqning haydov va haydov osti qatlamlaridan tuproq namunalari olindi. Bundan tashqari tuproqning umumiy morfologik belgilarini va alohida qatlamlardagi elementlarni aniqalash uchun razrez kovlanadi. Tuproq profelining alohida qatlamlari o’lchanib, ular belgilab olindi hamda ularning har biridan namunalar olib tahlil qilindi. Olingan tuproq namunalarini analiz qilish uchun “Tuproqsifattahlil” DUK ga olib borildi va u yerda tuproq namunalaridan tajriba dalasining dastlabki agrokimyoviy tahlili aniqlandi. Analiz o’tkazish davomida tuproqning sho’rlanganlik darajasi va pH ko’rsatkichi hamda tuproqning singdiruvchanligi bo’yicha ham tahlillar bajarildi. Tadqiqot natijasiga ko’ra tajriba dalasining haydov va haydov osti qatlamlari sho’rlanmagan ko’rsatkichga ega bo’lgan bo’lsa, ona jinsda esa kuchsiz sho’rlanganlik belgilari kuzatildi. Tuproqning singdiruvchanligi bo’yicha esa Ca, Mg, K, Na elementlari o’rganildi.