IQLIM O‘ZGARISHIDAGI MUAMMOLAR

Mazkur maqola iqlim o‘zgarishining jahon va O‘zbekiston iqtisodiyotiga ko‘rsatayotgan salbiy ta’sirlarini chuqur tahlil qiladi. Unda issiqxona gazlari emissiyasining ortishi natijasida yuzaga kelayotgan tabiiy ofatlar (qurg‘oqchilik, suv toshqinlari, jazirama issiq, bo‘ronlar) va ularning qishloq xo‘jaligi, sanoat, energetika, transport va turizm kabi asosiy iqtisodiyot tarmoqlariga keltirayotgan bevosita va bilvosita zararlari ko‘rib chiqiladi. Bundan tashqri iqlim o‘zgarishi oqibatida yuzaga kelayotgan iqtisodiy yo‘qotishlar, jumladan, hosildorlikning pasayishi, infratuzilmaning buzilishi, ishlab chiqarish zanjirlarining uzilishi va sog‘liqni saqlash xarajatlarining oshishi kabi muammolar atroflicha yoritiladi. Shuningdek, iqlim o‘zgarishiga moslashish va uning oqibatlarini yumshatish uchun qilinayotgan xarajatlar, jumladan, yangi texnologiyalarni joriy etish, infratuzilmani modernizatsiya qilish va suv resurslarini boshqarish tizimlarini takomillashtirish masalalari ham tahlil qilinadi.