SHOVQIN VA STRESS O‘RTASIDAGI BIOFIZIK BOG‘LIQLIK.

Mazkur maqolada shovqin va stress o‘rtasidagi biofizik bog‘liqlik ilmiy jihatdan tahlil qilinadi. Atrof-muhitdagi yuqori intensivlikdagi akustik tebranishlarning inson organizmiga ta’siri, ayniqsa markaziy nerv tizimi, yurak-qon tomir faoliyati hamda gormonal muvozanatga ko‘rsatadigan biofizik o‘zgarishlari yoritilgan. Shovqin ta’sirida organizmda kortizol va adrenalin kabi stress gormonlari miqdorining ortishi, vegetativ nerv tizimi faoliyatining buzilishi hamda psixoemotsional holatdagi salbiy o‘zgarishlar kuzatilishi ilmiy manbalar asosida izohlangan. Tadqiqot davomida shovqinning davomiyligi, chastotasi va intensivligi insonning fiziologik holati bilan o‘zaro bog‘liqligi tahlil qilinib, uzoq muddatli akustik stressning sog‘liq uchun xavf omili ekanligi asoslab berilgan. Maqola natijalari shovqin darajasini nazorat qilish va stress profilaktikasida biofizik yondashuvlarning ahamiyatini ko‘rsatadi.