KASB-HUNAR TA’LIMIDA AVTOMOBIL UZATMALAR QUTILARIGA SERVIS XIZMAT KO‘RSATISH VA TA’MIRLASH BO‘YICHA AMALIY KO‘NIKMALARNI SHAKLLANTIRISH METODIKASI

Mazkur maqolada kasb-hunar ta’limi muassasalarida (xususan texnikumlarda) avtomobil uzatmalar qutilariga servis xizmat ko‘rsatish va ta’mirlash bo‘yicha amaliy ko‘nikmalarni shakllantirish masalalari tahlil qilinadi. Tadqiqotda avtomobil transmissiyalarining zamonaviy turlari (mexanik, avtomatik, variator va ikki muftali uzatmalar qutilari) texnik xususiyatlari va ularga xizmat ko‘rsatish jarayonlari hisobga olinib, o‘quvchilarda kasbiy kompetensiyalarni rivojlantirishga yo‘naltirilgan metodik yondashuvlar yoritilgan.
Maqolada modul asosida o‘qitish, kompetensiyaviy yondashuv, diagnostik texnologiyalar, amaliy mashg‘ulotlarni ustaxona sharoitida tashkil etish hamda real servis jarayonlariga yaqinlashtirilgan topshiriqlardan foydalanishning samaradorligi asoslab beriladi. Shuningdek, uzatmalar qutilariga servis xizmat ko‘rsatishda mehnat muhofazasi, texnik reglamentlarga rioya qilish va sifat nazoratini ta’minlash masalalariga alohida e’tibor qaratiladi. Taklif etilgan metodika bo‘lajak “Avtomobil shassisiga texnik xizmat koʻrsatish va taʼmirlash” taʼlim yoʻnalishi bitiruvchi-mutaxassislarining nazariy bilimlarini amaliy faoliyat bilan uyg‘unlashtirishga xizmat qiladi.