TERI LEYSHMANIOZI: GLOBAL VA MILLIY EPIDEMIOLOGIK TENDENSIYALAR HAMDA SURXONDARYO VILOYATIDAGI HOLAT (2011–2024 YILLAR)

 Maqolada teri leyshmaniozining (TL) global, milliy va hududiy darajadagi epidemiologiyasi keng tahlil qilindi. Tadqiqot davomida PubMed, Scopus va WHO bazalaridan olingan xalqaro ma’lumotlar, shuningdek, O‘zbekiston sog‘liqni saqlash tizimiga oid ishonchli statistik ko‘rsatkichlar hamda Surxondaryo viloyatida 2011–2024 yillar oralig‘ida qayd etilgan bemorlar haqidagi ma’lumotlar o‘rganildi. Natijalar TLning global darajada ko‘plab rivojlanayotgan mamlakatlarda yuqori tarqalganini, O‘zbekistonda esa Surxondaryo viloyati eng yirik endemik hudud ekanini ko‘rsatdi. Epidemiologik ko‘rsatkichlarning ortib borishi qum-chivinlarning barqaror mavjudligi, iqlim o‘zgarishi, ijtimoiy-iqtisodiy sharoitlar va migratsiya jarayonlari bilan bog‘liq. Xulosa tariqasida, TL tarqalishini kamaytirish uchun hududiy vektor nazorati, mavsumiy profilaktik tadbirlar va aholining sog‘liqni saqlash bo‘yicha xabardorligini oshirish zarurligi ta’kidlandi.