BOSHLANG‘ICH SINF O‘QUVCHILARIDA MATNNI O’QISH VA TUSHUNISH KOMPETENSIYALARINI SHAKLLANTIRISH

Dunyo mamlakatlarida turli sohalardagi islohotlar natijasida ulkan iqtisodiy o‘sish ko‘rsatkichlariga erishilayotganligi sababli malakali kadrlar va yetuk mutaxassislarga bo‘lgan talab yanada oshmoqda. Bu aksariyat xorijiy davlatlarda joriy etilgan ta’lim va fan sohalari rivojlanishini baholash hamda monitoring qilish orqali ta’lim sifatini oshirishga qaratilgan ilg‘or tajribalarni sohaga jalb qilish kerakligini anglatadi. Shuningdek, bugungi kunda yuzaga kelayotgan intellektual olam yangiliklarini anglash, ularga to‘g’ri munosabat bildirish hamda yanada yuksak natijalarni qo‘lga kiritish uchun xizmat qiluvchu kashfiyotlar qilish uchun ham ta’lim jarayonini yuqori darajaga olib chiqish muhim muammo sanaladi. Mamlakatimizda uzluksiz ta’lim tizimining har bir bo‘g‘inini samarali tashkil etish, ta’lim jarayoniga zamonaviy yondashuvlarni joriy etish, umumiy o‘rta ta’lim maktablari o‘quvchilarining o‘quv materiallarini o‘zlashtirish jarayonida sifat va samaradorlikka erishish muhim yo‘nalish hisoblanadi.