YER MAYDONLARINING AGRO-EKOLOGIK HOLATINI GAT TEXNOLOGIYALARI ASOSIDA MONITORING QILISHNING DOLZARBLIGI

Hozirgi kunda qishloq xo‘jalik yerlarini so‘nggi zamonaviy texnologiyalar yordamida tahlil qilib, uni agro-ekologik holatini tizimli ravishda monitoring qilib borish lozim. Sababi yildan-yilga tuproqlarda turli xil o‘zgarishlarga uchrab asta-sekinlik bilan yaroqsiz yerlar qatoriga kirib bormoqda. Bu yerlarning qanchasi yana qayta tiklanib, foydalanadigan yerlar qatoriga kiritishda nazorat qilish zarur. Shu sababli geoaxborot tizimlari yordamida  uni monitoring qilib borish muhim masaladir. So‘nggi yillarda tuproqlarda o‘zgarishlarni kuzatish faqatgina amalda joyiga borib o‘rganilmoqda. Bu esa aniqlashda bir necha kunlar ketib qolishga olib keladi. GAT texnologiyalari yordamida inson omilini kamaytirish, tezroq aniqlash va o‘zgarishlarni ham kuzatib borish munkin. Bu kuzatuv ishlari orqali o‘zgarishlar dinamikasi ishlab chiqib, agro-ekologik holati haqidagi ma’lumotlarni ham olib, uni tahlil qilish orqali osonroq bajariladi. Bu ma’lumotlarni hammasi masofadan zondlash orqali bajariladi.