ARTISHOKNING JANUB GO‘ZALI NAVINI YETISHTIRISH TEXNOLOGIYASI

Maqolada artishok o‘simligini O‘zbekiston sharoitida introduksiya qilish bo‘yicha olib borilgan tadqiqot natijalari bayon etilgan. Aniqlanishicha, artishok o‘simliklari o‘sib-rivojlanadi, vegetatsiya davri mobaynida to‘liq urug‘ hosil qiladi. Morfobiologik va xo‘jalik jihatdan qimmatli belgilarning namoyon bo‘lishi ko‘p jihatdan o‘simlik yoshiga bog‘liq. O‘simlikning ikkinchi yilida vegetatsiya davrining sezilarli qisqarishi, o‘sish balandligi va poyalar sonining ko‘payishi, gul boshlarining o‘rtacha massasi va miqdorining ortishi, natijada hosildorlikning oshishi kuzatiladi. Shuningdek, artishok o‘simligining O‘zbekiston sharoitidagi ehtimoliy mahsuldorligi juda yuqori ekani aniqlangan. «Krasaves» navining ikkinchi yildagi hosildorligi gektariga 55,5 tonna, «Janub go‘zali» naviniki esa 39,2 tonnani tashkil etadi. Bu ko‘rsatkichlar jahon o‘rtacha ko‘rsatkichlaridan ancha yuqori.